Veb-saytlarda RANG bilan bog'liq eng keng tarqalgan muammolar.
Rang – veb-dizaynda asosiy elementlardan biri. Ammo noto'g'ri rang tanlovi UX va vizual sifatga salbiy ta'sir qilishi mumkin. Quyida ko'pchilik duch keladigan rang xatolari va ularning yechimlari haqida bilib olasiz.
1. Kontrast muammosi
Muammo: Matn va fon rangi orasidagi farq kam bo'lsa, matnni o'qish qiyinlashadi.
Yechim: Kontrastni WCAG standartlariga mos ravishda 4.5:1 yoki undan yuqori qilib tanlang. Contrast Checker kabi vositalardan foydalaning.
2. Juda ko'p rang ishlatish
Muammo: Haddan tashqari ko'p ranglar dizaynni tartibsiz va noaniq qiladi.
Yechim: 60-30-10 qoidasiga amal qiling:
60% – asosiy rang
30% – qo'shimcha rang
10% – aksent rangi
3. Brend identifikatsiyasiga mos kelmaslik
Muammo: Ranglar brend imidji bilan mos kelmasa, foydalanuvchilar brendni noto'g'ri qabul qilishadi.
Yechim: Brend imidjingizga mos keladigan ranglarni tanlang va rangi psixologiyasini inobatga oling (masalan, yashil – tabiiylik va ishonch, ko'k – texnologiya va barqarorlik).
4. E'tiborga olinmagan CTA tugmalari
Muammo: "Buyurtma berish" yoki "Bog'lanish" tugmalari juda sust yoki ortiqcha yorqin bo'lib, noqulay ko'rinadi.
Yechim: CTA tugmalarini asosiy dizayndan ajralib turadigan, ammo mos keladigan aksent rangda qilish.
5. Yorqin va qorong'i rejim muammolari
Muammo: Faqat bitta rang sxemasi uchun dizayn qilish (faqat oq yoki faqat qora fon).
Yechim: Dark mode qo'llab-quvvatlash uchun CSS-da prefers-color-scheme dan foydalaning va har ikkala modda ham yaxshi ko'rinadigan ranglarni tanlang.
6. Rang formatlarini noto'g'ri ishlatish (RGB vs CMYK vs HEX)
Muammo: CMYK chop etish uchun, RGB esa ekranlar uchun ishlatiladi.
Yechim: Veb-dizayn uchun faqat RGB yoki HEX rang formatlaridan foydalaning. CMYK faqat bosma materiallar uchun mos.
